Finen dos trabayadores en Xixón al esbarrumbar un techu d'un colexu

Son dos homes naturales de Mieres que facíen llabores de reparación nel San Vicente.

La traxedia tomó Xixón nun día tan señaláu como la viéspora de Reis. Al rodiu les 11.30 hores esbarrumbaba'l techu d'una estancia del pisu superior del edificiu afeutando a los cuatro trabayadores que taben con una obra menor.

Dos d'ellos resultaron firíos y los bomberos pudieron sacalos del llugar, pero otros dos nun apaecíen, lo que fixo pensar no peor. Hores depués llocalizáronse los cuerpos ensin vida d'estos dos obreros, naturales de Mieres, de 40 y 38 años d'edá y A.V.D. y D.V. como iniciales.

Na semeya, Lydia Espina, conseyera d'Educación, y el presidente Adrián Barbón, que s'averaron al llugar.