Los Presupuestos salven les enmiendes a la totalidá de PP, Foro y VOX

La FSA consiguió fixar les cuantíes globales del Proyeutu de Llei de Presupuestos Xenerales pal 2022 al salvar les cuatro enmiendes a la totalidá de PP, Foro y VOX. Namái-y quedaría enfrentase a les enmiendes parciales que se van tratar nel Plenu del martes, pa lo que sigue en negociaciones colos grupos parllamentarios.

Por decisión tomada na Xunta de Voceros, les enmiendes con propuesta de devolución votáronse en dos bloques, siendo’l primeru’l de les trés de manera agrupada, colos los apoyos namái de los grupos proponentes. FSA, Ciudadanos, Podemos y Asturies pela Izquierda (IX-IAS) opunxéronse, polo que’l resultáu final foi de 14 ‘sí’ y 31 ‘non’.

Darréu fíxose lo propio con una segunda del PP, nesta ocasión col sofitu namái del diputáu espulsáu Foro, Pedro Leal, y l’astención d’Adrián Pumares. El restu de formaciones votaron en contra, polo que se torgó con 11 ‘sí’, 33 ‘non’ y 1 astención.

Barbón, ausente na Xunta Xeneral

El presidente Adrián Barbón siguió'l Plenu de manera telemática al siguir aislláu nel apartamentu de Presidencia por tar afeutáu pola COVID-19. El so votu foi ún de los trés a distancia fechu na sesión de güei na Xunta Xeneral.

Na semeya, Ana Cárcaba, conseyera de Facienda, na so defensa de les cuentes, col sitiu de Barbón vacíu.