Fernández Castañón gana unes axustaes primaries de Podemos Asturies

Algamó 1.674 puntos polos 1.574 de Ripa. La candidatura del hasta agora secretariu xeneral suma 11 puestos de los 20 del Conseyu Ciudadanu. 

Sofía Fernández Castañón ganó les primaries de Podemos, cola participación de 3.333 persones, de manera axustada llueu d'una campaña marcada pola polémica poles denuncies del hasta agora secretariu xeneral de presiones de Madrid pa que s'apartara de la convocatoria pa dar pasu a la diputada nel Congresu y d'intentos de desestabilización con ataques en prensa a miembros de la so candidatura. La xixonesa pasa agora a liderar la formación morada nel país.

La candidatura 'Asturies dende cerca' de Daniel Ripa ocupó mentes les cuatro primeres posiciones de la votación al Conseyu Ciudadanu, con Covadonga Tomé, Laura Tuero, Andrés 'Ron' Fernández Vilanova y Sara Combarros, mentes qu'Ana Taboada y Rafael Palacios, de la liderada por Fernández Castañón 'Puxu', apaecen nos puestos siguientes. Completen esti órganu Alba González, Jorge Fernández Iglesias, Olaya Suárez Fernández, Sara Retuerto, Sonia Busto, Ángeles Fal, Tamara Carolina Schulz, Sonia Sánchez Carbajal, Rogelio Crespo, Ignacio Loy, Isabel Fernández Álvarez, Hugo López García, Francisco Suárez Fernández y Christian Rodil, con un repartu de 10 puesto pa caún.