Política Llingüística entama una campaña sobre'l léxicu venceyáu a la cultura sidrera

Va repartise pelos chigres del país una versión anovada de Neto del cartelu de Garrido con espresiones sobre la bébora nacional.

La Conseyería de Cultura, Política Llingüística y Turismu va entamar enantes de final d'añu una campaña sobre el léxicu venceyáu a la sidra, caracterizado por términos. Esta iniciativa anúnciase coincidiendo cola declaración de la 'Cultura Sidrera Asturiana' como candidata oficial del Estáu a Patrimoniu Cultural Inmaterial de la UNESCO.

Dientro de la mesma rescampla l'homenaxe d'Ernesto García del Castillo 'Neto' al popular cartelu '¿Qué tien esta sidra?' fechu hai más de 40 años por Elías Antonio Garrido Barrientos (1933-2019), conocido como Garrido. El tributu consiste na actualización de la popular ilustración incorporando la realidá social asturiana d'anguaño ensin perder la esencia, la tradición y el humor qu'usó'l dibuxante pa representar la cultura sidrera.

Xunto cola edición nueva del cartelu, Política Llingüística va entregar a toles sidreríes del país una documentación con pallabreru sidreru nel que se ta trabayando nestos momentos.