Bacotexo presenta esti sábadu'l videuclip "Queimar el cielo"

Esti sábadu 11 de xunetu a les 18:00 hores va facese la presentación del videoclip “Queimar el cielo”, cantar que forma parte del primer trabayu discográficu del grupu asturianu de rock Bacotexo, tituláu “A máquina del tempo” y cantáu en gallego-asturiano, que fuere nominada al Premiu al meyor cantar del 2008.

La proyección va tener llugar nel Auditoriu de la nueva Casa de Cultura de Tapia y al actu van acudir representantes del Conceyu tapiegu y de l'Academia de la Llingua Asturiana, instituciones que promocionaron la grabación del vídeu. La grabación y producción técnica foi fecha pola productora xixonesa Sr.Paraguas.

Una selmana depués, el sábadu 18 de xunetu a les 22:00 hores, como remate a les fiestas del Carmen, Bacotexo va actuar en directu nel mesmo escenariu xunta al grupu de folk Mezá.