Salú comunica 13 contaxos el xueves

Finó un home de 98 años na xornada.

La Conseyería de Salú informó de 13 casos nuevos de COVID-19 nel día d'ayeri. Son 2 más que los comunicaos el miércoles.

Fixéronse 1.816 pruebes de diagnósticu d'infeición activa, polo que la tasa de positividá s'asitió nel 1,1 por cientu. A 7 díes esti porcentaxe ye del 0,64 por cientu, lo que supón un aumentu pequeñu, yá que la xornada anterior taba nel 0,56 por cientu.

Depués de nun contabilizase muertes dende'l vienres pasáu, ayeri hebo que llamentar un fináu, un home de 98, la víctima númberu 2.070 del andanciu. Siguen 6 pacientes ingresaos na UCI, mentes qu'hai 3 menos hospitalizaos en planta con confirmación o sospecha de COVID-19, un total de 13.