Ataquen una valla publicitaria que llama a la manifestación pola oficialidá del 16-O

El presidente Adrián Barbón condenó esta "agresión contra la llibertá".

La Xunta pola Defensa de la Llingua Asturiana (XDLA) denunció ayeri un ataque a una de les valles publicitaries xunto a carreteres que pagó pa llamar a la movilización pa la manifestación pola oficialidá del asturianu y gallego-asturiano convocada pal día 16 al meudía n'Uviéu. En concreto, arrancaron la parte del corazón multicolor, símbolu emplegáu estos meses pa esta reivindicación.

"Los intolerantes atacaron ayeri pela nueche la nuestra campaña. Como prevíemos, ta mancándo-yos. Vese que lo que más-yos molesta son los colores, el corazón que reivindica la pluralidá, la diversidá. Quieren una Asturies gris, ensin futuru y ensin pasáu", espresó esti coleutivu, que respuende que "el sábadu 16 d’ochobre los asturianos y asturianes vamos responde-yos na cai. Con derechos, con música, con colores, con futuru".

Ente les persones que refugaron l'aición tuvo Barbón, que retuitió'l una noticia recoyida por Europa Press al respeuto col mensaxe "lamentable. Mi condena rotunda a esta agresión contra la Libertad".