Shooglenifty, The Real Mckenzies, Dixebra y Felpeyu ente los participantes nel Festival Xixón 5.40

|

L'alcaldesa de Xixón, Paz Fernández Felgueroso, prometió un agostu "mui redondu" demientres la presentación nel Salón de Receiciones del 'I Festival Xixón 5.40', que va celebrase del 19 al 23 d'esti mes, al qu'unió'l certame de la sidra, sin olvidar la 'Selmanona', la Selmana Grande de Xixón. Como principales grupos, tán confirmaes les actuaciones de los míticos grupos escoceses Shooglenifty y The Real Mackenzies, amás de los asturianos Dixebra y Felpeyu.

   La rexidora confió en que l'eventu seya "del gustu de la xente" y destacó que va valir pa mostrar la nuesa cultura más tradicional en dellos puntos de la ciudá, con hasta ocho escenarios.

   De la mesma manra, recordó qu'en setiembre va celebrase en Xixón l'Alcuentru Internacional de Cabueñes. Felgueroso apostó pola desconcentración d'actividaes que dean vida a la ciudá y confió nel éxitu del festexu. Amás, recordó que Xixón ye de les poques ciudaes que tien un Museú de la Gaita, al que, na so opinón, debe dase-y el valor que tien.

   Xunto a elles tuvieron el conceyal de Cooperación Internacional y Cultura Tradicional, Jesús Montes Estrada; l'asesor municipal de Cultura Tradicional, Roberto Colunga, y el director de la banda gaites Villa de Xixón, José Luis García. Montes Estrada, pela so parte, confió en disfrutar d'un festival "potente", nel que va haber presencia de bandes y grupos de países o rexones estraxeros, como Irlanda o Bretaña, sin restar importancia a los grupos autóctonos.

   Pel so llau, Colunga esplicó que'l festival naz col oxetivu de mostrar el folclor, al mesmu tiempu que s'estrechen llazos colos pueblos del Arcu Atlánticu. De la mesma manera, a la música van unise otres tradicioanes, como puea ser la gastronomía o l'arte.

   Les actuaciones van repartise n'ocho escenarios, de los que dos van ser los principales: plaza mayor --más lligáu a grupos de bailes-- y Poniente --dedicáu a música folk--, coles actuaciones de grupos como Felpeyu, Shooglenifty (Escocia), Dixebra o 'The REal Mkenzies (Canadá-Escocia).

   Los otros seis van tar en Begoña, el Náuticu, Xardines de la Reina, la Plazuela de San Miguel, y otros dos en Cimavilla, na Plaza de La Corrada y na de la Casa de los Nava --plaza del Vizconde de Campu Grande--.

   De la mesma manera, tamién va haber un mercáu popular, con 50 puestos nel entornu de Cimavilla, degustaciones d'un menú irlandés, deportes autóctonos y folixa en dellos puntos de la ciudá, sin olvidar el IX Festival de Gaites. Too ello va poder consultase al traviés de la web xxx.xixon450.com.

   En cuanto al certame de gaites, García apuntó como novedá la participación d'una banda d'Escocia, 'Inveraray and district Pipe Banda', nesti momentu campeona de percusión, a la que s'unen otra bretona , Bagad Pagan, dos gallegues, Banda de Gaites Robaleira, d'A Coruña y Banda Gaites Xinxo de Limia, d'Ourense, y otres punteres d'Asturies, como la de Villaviciosa.

   El festival de gaites va tar presente del vienres al domingu en tolos escenarios. De la mesma manera, l'últimu día va haber un gran desfile pel paséu d'El Muro, nel que van participar toles bandes y grupos del intercélticu. Tamién el sábadu, día 22, va haber una gran actuación de toles bandes na Plaza Mayor, de magar les 21.30 hores.

Comentarios

Joer, sinceramente yo daba-y más importancia a Kíla, sin duda dalguna.
Paezme que tienen muncho más nome, que los que pon na noticia

Contador Estadistiques