La Coordinadora Ecoloxista d’Asturies pide la paralización d'una cantera en Belonciu

La Coordinadora Ecoloxista d’Asturies esixe a la Viceconseyería de Mediu Ambiente la paralización de la cantera de Peridiella, en Belonciu (conceyu de Piloña), perteneciente a Áridos Piloña, una cantera de caliza que se lleva esplotando dellos años y que "nun cumple nenguna de les condiciones ambientales impuestes na ultima tramitación, hai 5 años".

Segun la CEA "el Bopa del pasáu 28 de xunetu de 2004 impón unes condiciones a  Áridos Piloña pa l'ampliación de la Cantera de Peridiella. Nuna visita na zona comprobamos como s'incumplen la casi totalidá de condiciones ambientales impuestes nesta tramitación a pesar de los munchos años pasaos, tiempu a esgaya pa cumpliles". D'esti mou conseñen que "nun tien nenguna de les 3 banzaos de decantación pal tratamientu d'agua y nun se traten les agües interiores de la esplotación". Tampoco "existen apantallamientos arbóreos previstos pal macizu de protección cola carretera y nun tan encapotaes les cintes tresportadores, pa evitar la dispersión de polvu".

Asimesmo afiten que "nun tien valla perimetral, tipu malla cinexética pa garantizar la seguridá de les personas y animales na zona d'esplotació" y qu'hai "dellos vertederos de la esplotación material industrial, que deberíen llevase a xestores autorizaos".

Según la Coordinadora Ecoloxista "esta burlla a la llegalidá faise, a pesar de los problemes ambientales que xenera a los vecinos y los pueblos limítrofes, que tan sorprendíos de la tolerancia qu'hai cola explotación per parte del Principáu, l'Ayuntamientu y la Confederación Hidrográfica".