El castellanu ye la llingua más falada en Cataluña

|

L’Institut d’Estadística de Catalunya (Idescat) ta acabante d'asoleyar los resultaos de l’Encuesta sobre usos llingüísticos de la población del país mediterráneu fecha nel 2008. Nella conséñase que'l castellanu ye la llingua habitual del 45,9% de la población, mientres que'l catalán lo ye del 35,6 %, baxando del 46% que se rexistraba en 2003. El 12% señala que dambes llingües son d'usu habitual pa ellos.

Segun esti estudiu un 61% de los catalanes pueden escribir en catalán, entiéndenlo un 94,6% y pueden falalo un 78,3%. L'ámbitu metropolitanu de Barcelona ye la zona onde'l catalán ye menos usao, con un 27,8%. Sicasí, estos datos fueron valoraos "mui positivamente" pol secretariu de Política Llingüística de la Generalitat, Bernat Joan, que destacó que la llingua catalana "resiste" l'impactu de la fuerte oleada migratoria de los últimos seis años.

Pela so parte l'aranés, variante llingüística del occitanu falada nel Valle d'Aran tien menos de 2.000 falantes habituales.

La encuesta puede consultase nesti enllaz.

Contador Estadistiques