L'ALLA presenta nel occidente la III Encuesta Sociollingüística del Navia-Eo

El so autor ye Francisco José Llera Ramo.

L'Academia de la Llingua Asturiana (ALLA) presenta esta tarde nel Complexo Cultural As Quintas da Caridá, depués de facelo'l mes pasáu n'Uviéu, la III Encuesta Sociollingüística del Navia-Eo. Esti trabayu recueye la información de 400 encuestes telefóniques feches ente'l 10 al 24 de mayu nos 18 conceyos de la zona pa conocer la situación sociollingüística de la rexón y les demandes de política llingüística de la población, comparando los datos colos del estudiu anterior del 2002.

Xunto col sociólogu van participar esta tarde nel actu Carmen Muñiz Cachón, de la Secretaría Llingüística del Navia-Eo de l'ALLA, y Victoria Zarcero, edil de Cultura del Conceyo del Franco. Con entrada llibre hasta completar aforu, va principiar a les 19 hores.