54 contaxos esti xueves, con una tasa de positividá del 2,37 por cientu

Finó un home de 74 años con COVID-19.

A falta de la espublización de los datos oficiales de la pandemia, la Conseyería de Salú comunicó la detección de 52 casos nuevos ayeri. Son 4 menos que'l día anterior, cuando s'informaron 56.

El Serviciu de Salú del Principáu d'Asturies (SESPA) fixo 2.742 pruebes de diagnósticu d'infeición activa, polo que la tasa de positividá s'asitió nel 2,37 por cientu, pol 2,34 por cientu del miércoles. A 7 díes esti porcentaxe taba enantes de l'actualización nel 3,1 por cientu –ayeri baxó al 2,94 por cientu–.

Hai que llamentar la muerte d'un home de 74 años na xornada. Ye'l fináu númberu 1.973 dende qu'entamó l'andanciu.

52 pacientes tán hospitalizaos con confirmación o sospecha de COVID-19, a los qu'hai que sumar los 29 ingresaos na UCI. Son 6 y 2 menos que'l miércoles, de manera respeutiva.

Na semeya, pabellón de Perchera-La Braña, puntu nuevu de vacunación en Xixón, onde ayeri alministróse'l preparáu de Janssen a ciudadanos del grupu d'edá de 50 a 59 años.