La web de Política Llingüística activa'l catálogu bibliográficu

Tamién ye posible consultar les formes toponímiques aprobaes hasta'l momentu.

La Direición Xeneral de Política Llingüísitca punxo en marcha na so páxina web un restolador p'acceder a un catálogu bibliográficu de les obres publicaes n’asturianu y gallego-asturiano de les cuatro décades últimes. Los usuarios pueden facer busques por categoríes, esto ye, autor, títulu, añu d'espublización, editorial, llingua o xéneru lliterariu.

Mentes, el 'Buscador de Toponimia' facilita l'accesu a les formes oficializaes hasta agora. Ye posible restolar por conceyos, parroquies y poblaciones, tanto dende les denominaciones yá oficializaes como dende les castellanizaes, yá recordaes.

D'esta forma sigue complentándose la páxina de Política Llingüística, qu'inclúi información sobre les actividaes qu’impulsa y les noveaes sobre los servicios de normalización llingüística, les convocatoria d’ayudes, el trabayu de la Xunta Asesora de Toponimia y del Conseyu Asesor de Política Llingüística, amás de los asuntos al respeutive d’Educación. Tamién tien una seición de gallego-asturiano onde, amás d’acceder a delles informaciones, poder descargar publicaciones editaes nesta llingua pol Gobiernu.