Salú comunica 52 casos nuevos, con una tasa de positividá diaria del 3,25

Nengún fináu con COVID-19 esti xueves.

A falta de la espublización de los datos oficiales de la COVID-19, la Conseyería de Salú informó ayeri de la detección de 52 casos nuevos. Son 12 menos que'l miércoles, anque la positividá diaria foi mayor.

Pasó del 2,72, por cientu, pola realización de 2.537 pruebes de diagnósticu d'infeición activa, a un 3,25 por cientu nuna xornada con 2.336 tests fechos. A 7 díes esti porcentaxe yera na actualización última del 2,79 por cientu –ayeri baxó al 2,74 por cientu–.

Nun hebo que llamentar nenguna muerte, polo que'l total del andanciu sigue en 1.956. Otra manera, son 83 los pacientes hospitalizaos con confirmación o sospecha de COVID-19, 8 menos que'l miércoles, mentes qu'otros 37 siguen na UCI.

Na semeya, viales de Janssen que recibió ayeri'l SESPA, un total de 3.000 dosis qu'agora tamién se van poder alministrar en menores de 60 años. De Moderna aportaron 6.600.