Asturies, el país que cuenta con 329 quesos

Mediu Rural edita un catálogu que recueye tolos tipos que faen les 97 queseríes rexistraes.

La conseyería ta acabante d'espublizar el 'Catálogu Xeneral de Quesos Fechos n'Asturies' que recueye los 329 quesos que s'ellaboren anguaño n'Asturies. Estructúrase en cuatro capítulos, principando coles queseríes qu'ellaboren especialidaes tradicionales baxo la marca 'Alimentos del Paraísu', ente los que rescamplen los Cabrales, Gamonéu, Casín y Afuega’l Pitu, con Denominación de Orixe Protexida (DOP), y Los Beyos, con Indicación Xeográfica Protexida (IXP), que sumen ente toes más de la metá de les queseríes d'Asturies.

Darréu síguise con queserías pequeñes, agrupaes por conceyos; los fabricantes industriales y productos d'altu consumu, como quesos frescos, blancos pasteurizaos y fundío; y, pa finar, les especialidaes queseres que nun s'ellaboren en quesería, munches en peligru de desaniciu. Son 31 variedaes más que, si sumen a los que se fabriquen, aumenten el númberu de quesos de 329 a 360.