Conveniu ente'l Gobiernu asturianu y el SERIDA pa conservar el gochu asturcelta

|

El Gobiernu asturianu vien d'aprobar un conveniu de collaboración ente la Conseyería de Mediu Rural y Pesca y el Serviciu Rexonal d'Investigación y Desarrollu Agroalimentariu (Serida) pal desarrollu del "Programa de conservación de la raza autóctona Gochu Asturcelta", y el caltenimientu y ampliación del Bancu de Recursos Zooxenéticos de races ganaderes autóctones en peligru d'estinción. Esti conveníu ta dotáu con 50.000 euros.

Anguaño'l gochu asturcelta o gochu'l país cuenta pa la so recuperación con una "Asociación de Criadores de Gochu Asturcelta", creada en 2002. Esta especie autóctona cuenta yá con 80 criadores y un censu d'unos 800 exemplares y distínguese enforma na so morfoloxía respective a otres races de gochos por tener les oreyes llargues, cayíes y empobinaes p’alantre. Otres especies autóctones ganaderes del país son la oveya xalda, la cabra bermeya, la pita pinta y la vaca casina y roxa.

Contador Estadistiques