Supermercaos y tiendes d'alimentación van poder abrir hasta les 21 hores

Salú allarga l'horariu dende esti martes "pa torgar los axuntamientos grandes de xente".

L'ameyoramientu de les cifres de la pandemia de COVID-19 lleva al Gobiernu a flexibilizar los horarios decretaos el 14 de xineru. La primer modificación ye l'allargamientu del horariu comercial pa supermecaos y comercios d'alimentación, que güei tienen que pesllar a les 20 hores; mañana van poder facelo 60 minutos depués, a les 21.

Nun ye l'únicu cambiu, yá que la Conseyería de Salú autoriza tamién l'apertura de casinos y otros establecimientos y llocales de xuegos y apuestes. L'aforu máximu va ser del 30 por cientu de la capacidá del recintu y l'horariu, el mesmu de la hostelería: 20 hores, con accesu de veceros hasta les 19.30 hores.