El PP de Carreño propón caltener la denominación toponímica de Guimarán, Logrezana, Pervera, Piedeloro y Prendes
|
24 Xunu, 2009 por E.P. / Redacción
- Inicie sesión o rexístrese pa espublizar comentarios
El grupu municipal del Partido Popular de Carreño va proponer al Conceyu'l caltenimientu como oficiales de los topónimos Guimarán, Logrezana, Pervera, Piedeloro y Prendes, agora sustituyíos por Quimarán, Llorgozana, Prevera, El Pieloro y Priendes, de manera que les cinco parroquies conserven la doble denominación.
Los populares presentaron una moción que va aldericase nel próximu plenu municipal, a celebrar el xueves. Nella, la formación señala "la disconformidá con dalgunos d'estos topónimos por una gran mayoría de vecinos de les parroquies del Conceyu, que nun compriende por qué nun son oficiales les formes toponímiques qu'emplega la inmensa mayoría".
Considera tamién que cola revisión de la toponimia "lo que se pretende ye adautala a los usos de la inmensa mayoría de los vecinos de Carreño, conservando la denominación tradicional, querida y emplegada polos carreñenses", motivu pol que pide "respetar los derechos llingüísticos de tolos vecinos, adoptando'l topónimo billingüe".
Poro, solicita "encamentar a la Conseyería de Cultura y Turismu la tramitación del espediente de modificación de determín de topónimos del Conceyu de Carreño, pa que s'establezan como cooficiales los siguientes: Guimarán, Logrezana, Pervera, Piedeloro y Prendes, sin perxuiciu de la oficialidá de los topónimos en bable/asturianu".
Efrén d'Andrés
Lo + visto de la selmana
Comentarios
Esto ye'l cuentu de nuca acabar , supongo que la comision de toponimia (formada por xente que sabe del tema digo yo) fadria bien el so trabayu , con criteriu y metodoloxia y no a lo fato .
Ya se sabe que nesti pais todos sabemos de todo , pero esto ya paez una estratexa pa dexalo todo como ta y nun facer un res , la culpa como siempre de los representantes politicos , por nun haber fecho esti trabayu va trenta años y por facelo tarde , mal y nuca , en fin una puta mierda , tendremos que siguir peleando polo "evidente" .
LA TOPONIMIA DEL PAIS COMO TIEN QUE SER Y PUNTU PELOTA DIGANLO LOS VECINOS O SU PUTA MADRE
Pa que los vecinos y la puta so madre nun digan eses coses, tendríen que tar educaos; pa tar educaos tien qu'haber quien los eduque y querer educalos. Nun pue haber respetu ensin educación nin educación ensin normalización ¿Toponimia ensin normalización social? ¿normalización ensin política llingüística? ¿Política llingüística ensin oficialidá?
UN MUNDU PARALELU
Home Iván, parezme que tas cayendo nel xuegu del PP y los medios de desinformación.
Vamos ver ho, los vecinos nun tienen culpa de nada porque la mayoría d'ellos son precisamente los qu'entovía guarden la llingua, y si nun ye por ellos nun teníemos nada que facer. El problema nun son ellos. El problema ye un paisanu (nel sentíu feu de la palabra) que mandó una carta a La Nueva España lloramicando porque'l nome de la so parroquia cambiara. El segundu problema ye La Nueva España porque convirtió la pataleta d'esi paisanu nun debate baratu sobre "Quimarán versus Guimarán" que duró dellos díes y metienon tola mierda que pudienon y más, pa variar. Y el terceru ye'l PP qu'aprovechó la situación pa facer política d'oposición babayona aprovechando'l debate qu'entamaran los del periódicachu.
Y nesos xuegos sensacionalistes de la prensa y na política infantiloide de los partíos que manden tócanos tar siempre na mitá del campu, somos la pelota y tócanos llevar les pataes.
Esto yá nun ye problema d'oficialidá sí o non nin nada d'eso, porque esos "bichos" que tán revolviendo hoi diben tar ehí tamién anque la llingua fora oficial, tirando p'atrás, que ye lo d'ellos.
Esta xente tán esmolecío pola presunta opinión de los vecinos son los mesmos que nun gorguten cuando se castellaniza arbitrariamente un topónimu que tol mundu diz n'asturianu. Lo del "bable/asturianu" mui llograo, oi, mui llograo.
A mín paezme perbién que faigamos casu a lo que dicen los más de los vecinos, tean enquivocaos o non lo tean, pero que-yos faigan casu non namás no tocante a la toponimia, sinon TOLOS TEMES, pido que-yos faigan el mesmu casu cuando falen de la contaminación de Carreño, el desmonte de L'Altu Aboño, la presión urbanística, etc.etc.etc.
Gabis
Y por supuestu, un gran referendum vecinal sobre si queremos pagar impuestos y contribuciones o nun queremos, ¿hai miéu a la democracia real?
Gabis