Sánchez Vicente ameyora'l so 'Diccionariu Castellanu-asturianu'

Espublizáu nel 2008, Trabe asoleya una segunda edición d'esta útil ferramienta.

Yá ta a la venta la versión correxida y aumentada del 'Diccionariu Castellanu-asturianu' de Xuan Xosé Sánchez Vicente. Ésti complétase col so 'Diccionariu Asturianu-castellanu', del 2009, asoleyáu pola mesma editorial.

"Ye ferramienta fundamental mesmo p’ameyorar el conocimientu del asturianu como pa facilitar el trabayu d’escritura yá sía creativu o alministrativu", apunten dende Trabe. L’aportación más grande d’esta obra "ye la montonera de léxicu qu’axunta dando precisión significativa a caúna de les salíes n’asturianu qu’apaecen na entrada en castellanu", añaden.