Preséntase en Llangréu'l llibru "Teatru n'asturianu 2009"

Esti martes 23 de xunu a les 19:30 na Casa los Alberti en Ciañu (conceyu de Llangréu) ye la presentación del llibru "Teatru n'Asturianu 2009", una esbilla obres escrites en llingua asturiana y que van poner n’escena compañíes de teatru integraes en FETEAS. Les obres escoyíes  son "Figenia en La Peruyal" d’Ana Cristina Tolivar Alas, "L’Encierru" de José Ramón López Menéndez y "Cambiu Radical" de Lisardo Suárez Fernández.

La presentación de Teatru n’Asturianu 2009 va facese nel Salón d’Actos, la entrada ye de baldre y va entregase un exemplar del llibru presentáu a tolos y toles asistentes al actu.