Once profesionales de dellos ámbitos van conformar un Comité Asesor y de Siguimientu sobre la COVID-19

Daniel López-Acuña, María de Oña y Usama Bilal son dalgunos de los once profesionales de dellos ámbitos escoyíos pola Conseyería de Salú pa conformar un Comité Asesor y de Siguimientu sobre la COVID-19 n’Asturies. Son persones de referencia en sectores como la epidemioloxía, la salú pública, el derechu constitucional o la ética.

L’empeoramientu de la pandemia de COVID-19 lleva al Gobiernu a formar esti órganu del que formen parte dalgunos de los espertos que yá vienen asesorando al Executivu na xestión del andanciu dende l’entamu, una rellación qu’agora se formaliza. Esti grupu, que va orientar a les autoridades sanitaries sobre la evolución epidemiolóxica y les actuaciones más afayadices pa protexer la salá de la población, var tar adscritu a la Conseyería de Salú y y la so presidencia va corresponder al direutor xeneral de Salú Pública, Rafael Cofiño.

Los once espertos del Comité Asesor y de Siguimientu sobre la COVID-19 n’Asturies son López-Acuña, De Oña, Bilal, Edurne Zabaleta, Leonor Ruiz Sicilia, Ignacio de Blas Giral, Javier Padilla, Miguel Presno, Ainhoa Ruiz Azarola, Beatriz López Valcárcel y Carmen Cabezas i Peñas. Son persones que trabayen dellos campos, como la epidemioloxía, la salú pública, la promoción de la salú, la evaluación de servicios sanitarios, la microbioloxía, la ética y el derechu constitucional.

Na imaxe, López-Acuña.