Esta selmana va celebrase l'alderique d'orientación política na Xunta Xeneral

Correspuende al añu llexislativu 20-21 y va ser el primero que va afrontar el presidente.

Mañana, a les 11 hores, va principiar l'alderique d'orientación política xeneral na Xunta Xeneral. Esta primer xornada ta destinada al discursu d'Adrián Barbón, pa siguir el miércoles dende les 9 hores coles intervenciones de los voceros parllamentarios y les correspondientes répliques.

La votación de les resoluciones, que se va facer el vienres, va ser telemáticu pa cumplir coles midíes pa torgar l'espardimientu del coronavirus SARS-CoV-2, según aprobó la Xunta de Voceros de güei. Nes sesiones van participar 23 de los 45 diputaos de manera presencial, amás de los miembros del Gobiernu.