Iniciativa celebra l'apaición "d'un nuevu espaciu pal alderique sobre política llingüística a esti nivel”

Una de les organizaciones de defensa de los derechos llingüísticos que van tar representaes nel Conseyu Asesor de Política Llingüística que se constitúi esti xueves ye Iniciativa pol Asturianu. “Ye una bona noticia ver cómo apaez un nuevu espaciu pal alderique sobre política llingüística a esti nivel”, declaró’l so presidente Iván Llera.

El periodista va coneutar a les 17 hores col restu de participantes nesti órganu na sesión constitutiva telémática de mañana. “Celebramos la constitución del Conseyu Asesor de Política Llingüística como un espaciu pal trabayu, la participación y la reivindicación de los drechos llingüísticos de los y les falantes d’asturianu. Dende la nuesa organización queremos agradecer esta convidada pa formar parte d’esti nuevu muérganu”, esplicó.

“Ésta foi una propuesta que ficimos dende Iniciativa pol Asturianu a los representantes de la conseyería y que por fin ve la lluz. Ye una bona noticia ver cómo apaez un nuevu espaciu pal alderique sobre la política llingüística a esti nivel”, añadió.

Al igual que fai esta organización dende hai años nel Conseyu Asesor entamáu pol Conceyu de Xixón, Llera compremétese a ser “l’altavoz de la ciudadanía” nel del Gobiernu y a “treslladar los problemes que tantes vegaes s’atopen al usar llibremente la lllingua asturiana”.