El Taller de Llectura n'Asturianu de Villaviciosa avérase al '1984' de George Orwell

Van participar el traductor Xesús González Rato y el direutor d'esta coleición de tornes a la llingua asturiana, Rafael Rodríguez Valdés.

El Taller de Llectura n'Asturianu de Villaviciosa, qu'entama'l Serviciu de Normalización Llingüística 'Comarca de la Sidra' en collaboración col Conceyu, recupera una actividá prevista pa marzu que tuvo que ser anulada pola crisis sanitaria pola pandemia de COVID-19. Trátase d'un alcuentru con autores, nesti casu los responsables de la traducción asturianu de la popular obra '1984' de George Orwell.

Asina, a les 19 hores d'esta tarde González Rato, el responsables de la torna, y Rodríguez Valdés, direutor de la coleición 'Calume' de Trabe, qu'abrió esti títulu y que prontó va traer al nuesu idioma ‘Clockwork Orange (La naranxa mecánica)’ d’Anthony Burgess, van falar a los presentes sobre'l llibru y sobre esti proyeutu. A diferencia de marzu, la convocatoria nesta ocasión ye nel salón d'actos del Centru Cultural Capistrano.