Timmermans torna a mandar un mensaxe a "los mineros n'Asturies" nel Parllamentu Européu

El Plenu aprobó reclamar una mengua del 60 por cientu nel 2030 nes emisiones de C02.

Con 352 votos a favor, 326 en contra y 18 astenciones, el Parllamentu Européu decidió treslladar, a falta de votar el testu completu mañana, esta demanda na negociación final col Conseyu Européu, que ye superior nos recortes a los propuestos pola Comisión Europea, del 55 por cientu. Anguaño'l compromisu ye del 40 por cientu con respueto a los niveles del 1990, polo que, pase lo que pase finalmente, va suponer un emburrión a la transición enerxética.

El vicepresidente de la Comisión Europea encargáu del Pautu Verde Européu, el neerlandés Frans Timmermans, tornó a facer referencia ayeri a la minería asturiana na so intervención n'inglés nel Plenu que se ta celebrando en Bruxeles sobre la Llei Europea del Clima pa defender dicha propuesta del 55 por cientu. "Ésti ye'l nuesu mensaxe pa los mineros n'Asturies, los trabayadores nes turberes del Bálticu, y tantos otros: vamos tar con vosotros pa facer xuntos esti viaxe hacia la neutralidá climática", señaló.

La intervención de Timmermans entama nel minutu 9.20