El PP de Ponga esixe a URAS-PAS que-y ceda l'alcaldía

|

El pactu de gobiernu selláu ente'l PP y URAS-PAS pa gobernar el conceyu de Ponga ta pendiente d'un filu. El voceru de los populares y vicealcalde del conceyu, Gabriel Iglesias, alvirtió de que "sólo van caltener el pautu si Cándido Vega mos cede l'alcaldía. Ye la única garantía que mos val, sinón ye así vamos rompelu", declaró iglesias.

   Ésta ye la segunda crisis que sufre'l gobiernu de coalición ponguetu. La primera foi hai un añu y llogró superase con un acuerdu ente dambes fuerces polítiques. El PP acusa a URAS-PAS de nun contar con ellos pa la toma de decisiones y los asturianistes nieguen toles acusaciones.

   L'asturianista y alcalde de Ponga, Cándido Vega, adelantó al conocer les intenciones de los sos socios de gobiernu que l'alcaldía que preside ye un puntu "tamién innegociable y si s'atreven a proponer eso va ser el primeru el llevantase de la mesa y colar", aseguró Vega.

   El PSOE de Ponga per otra parte, píde-yos "seriedá" y que se dediquen a gobernar. Si quieren romper el pactu que lo faigan pero que dexen de llevar la imaxe del nuesu conceyu a estes llendes tan desagradables d'engarradielles constantes nos medios de comunicación", destacó ayeri Luisa Crespo, conceyala del PSOE.

   Toes estes discusiones y enfrentamientos fueron güei notables demientres la celebración d'un plenu estraordinariu que tuvo que celebrase en Ponga por orde d'un xuez. La historia d'esti polémicu sesión vien dende'l pasáu mes de marzu del 2008.

   El PSOE impugnó naquel momentu esta sesión plenaria denunciando que nin tuvieren convocaos en tiempu y forma, nin tampoco disponíen de la documentación necesaria pa estudiar los puntos que se sometíen a votación. Un xuez ordenó hai unes selmanes la celebración del mesmu al reconocer que los ediles socialistes teníen razón na so denuncia.
 

Comentarios

Bueno, pues si nun tan conformes que nun pauten con ellos esa mesma alcaldía. Vamos ver, yo mañana tamién puedo emitir un comunicáu de prensa pidiendo que quiero que l'acalde de Las Vegas (non la de Covera, la d'USA) me ceda l'alcaldía a mín. Otra cosa ye que si yo toi apoyando colos mios votos l'alcaldía d'otru señor, si non lu quiero-ylos quite y ponga una moción de censura. Non saqueis un comunicáu de prensa, actuai, gobernai, val esto pa cualquier partíu. Ye como cuando IU, o los Verdes, o el Bloque, diz que nu ta d'alcuerdu "col gobiernu", vaya ho!, pues si nun tas d'alcuerdu...¡sal d'ahí!, el Gobiernu yes tú. A mín paezme mui bien que'l PSOE-yos pida fidelidá, faríalo yo tamién, y si nun tán d'alcuerdu, a la oposición.

Gabis

Contador Estadistiques