El númberu de pacientes en planta con COVID-19 supera'l mediu centenar

Hai que llamentar la muerte d'un home de 62 años nuna xornada con 91 positivos.

Aumenten los ingresos hospitalarios con COVID-19 n'Asturies. La datos oficiales sumaron ayeri 10 más pa superar el mediu centenar en planta, asitiando'l total en 51, mentes que na UCI hai 11.

La Conseyería de Salú notificó 91 casos nuevos de coronavirus SARS-CoV-2 diagnosticaos ayeri –90 según los datos oficiales–, cuando se fixeron 4.080 pruebes PCR, lo que significa una tasa de positividá del 2,23 por cientu. La cifra sigue perbaxo del 5 por cientu que marca la Organización Mundial de la Salú (OMS) pa tener controlada la pandemia.

No que respeuta a les muertes, hai que llamentar una perda más, la d'un home de 62 años, que pon el total dende l'entamu de l'andanciu en 249. Mentes, una persona recibió l'alta epidemiolóxica, asitiando el númberu de curaciones en 2.223.