Asturies tien activos diez biltos de COVID-19

La Conseyería de Salú comunica 71 contaxos.

Asturies treslladó al Ministeriu de Sanidá la esistencia de 5 biltos nuevos de COVID-19, con otros 5 activos que ponen el total anguaño en 10. Éstos sumen 134 casos confirmaos y 384 contautos estrechos en siguimientu.

No que respeuta a les cifres d'ayeri, informa de 71 contaxos, anque los datos oficiales aumenten el númberu de casos nuevos a 72, lo que pon el total de la serie 4.166 (4.094 el llunes). En planta hai anguaño 3 persones menos, 33, mentes que na UCI siguen 11.

Pela so parte, 4 pacientes recibieron l'alta epidemiolóxica, polos que'l númberu de curaos algama los 2.200.