La manifestación pol Día d'Asturies va ser en Xixón

Ta convocada baxo'l lema 'Asturies nun tien rei' con salida de L'Humedal y final na plaza Institutu (El Parchís), frente a la 'Casa Blanca'.

Xixón toma'l relevu d'Uviéu como sede de la manifestación pol Día de la Nación Asturiana. Esti 8 de setiembre dellos coleutivos soberanistes y republicanos van axuntase na villa pa reivindicar "los drechos de la clas trabayadora y del pueblu asturianu".

"Nós nun mos identificamos con un Estáu español, nin capitalista, nin monárquicu", añaden na convocatoria. Andecha Astur, la Corriente Sindical d'Izquierda (CSI), Darréu o la Federación Asturiana Memoria y República (FAMYR) son dalgunos de les organizaciones que participen nesti movimientu antimonárquicu asturianu.

La salida de la manifestación ta prevista a les 12.30 hores n'El Humedal, pa facer un percorríu hasta llegar a El Parchís. Nesti llugar ta la 'Casa Blanca', edificiu que fora sede del Conseyu Soberanu d'Asturies y Lleón, siendo'l lema de la marcha 'Asturies nun tien rei. Soberanía y República'.