Los equipos asturianos de Segunda B van tar nun subgrupu colos castellanos y la Cultural

La competición va principiar el 18 d'ochobre nesta categoría y en Tercera División.

La Comisión de Presidentes de Federaciones Autonómiques de Fútbol ta acabante d'aprobar, con una única astención, los grupos nos que se van dividir los 102 equipos que conformen la Segunda División B esta temporada. Los asturianos van tar incluyíos nel subrgrupu B del 1 xunto con tolos castellanos de l'autonomía de Castilla y León y la Cultural y Deportiva Leonesa, mentes que'l restu de conxuntos de los territorios históricos lleoneses y los gallegos van tar nel A.

Asina, UP Langreo, Marino, Sporting B, Uviéu Vetusta, CD Lealtad y CD Covadonga van competir, amás de cola Cultu, col Burgos CF, el Valladolid Promesas y el Numancia. Nel otros subgrupu, inclúinse otros dies conxuntos: Coruxo, Pontevedra, Racing Club de Ferrol, Celta B, Deportivo, Compostela, Guijuelo, Zamora, Salamanca CF y Unionistas.

A falta de conocer el plan de competición concretu, los trés primeros de cada subvgrupu xugarán pol ascensu a Segunda División A. Del cuartu al sétimu van facelo por militar la temporada siguiente na nueva Segunda B Pro, y los trés restantes pola permanencia na categoría.

La fecha d'empiezu plantegada, a falta entovía de la ratificación d'esta distribución pola Comisión Gestora de la Real Federación Española de Fútbol (RFEF), ye'l 18 d'ochobre. La Tercera División, pendiente entovía de la configuración de los subgrupos, tamién va principar esa fin de selmana.