Suspendíu'l 'VIII Día de la Reciella'

Taba programáu pal próximu domingu 4 d'ochobre. La asociación 'Reciella, families pol asturianu' tomó esta decisión depués d'analizalo y d'estudiar los requisitos llegales.

Dende Reciella consideren que'l retu organizativu que supón preparar un plan anti-covid que tornaría'l movimimientu de los neños y neñes, obligaría a un rexistru detalláu de tola xente asistente y reduciría abondo l'aforu, supera la capacidá organizativa de la so organización, que se basa nel trabayu voluntariu de les families, y que, amás d'ello y por ello, la salú de les families ye lo más importante.

Amás, cola situación cambiante de les circunstancies sanitaries y les normatives, camienten que nun tendríen la garantía de poder facer les actividaes, siquiera neses condiciones tan llendaes.

Reciella fina'l so comunicáu recordando lo importante que ye la tresmisión interxeneracional de l'asturianu y nun descarten facer dalguná actividá simbólica esí día. Pero'l VIII Día de la Reciella y la carrera familiar Entaína, aplázase oficialmente hasta l'añu 2021.