COVID-19: Güei 23 nuevos positivos

La Conseyería de Salú avisó güei al Ministerio de Sanidad de otros ventitres nuevos casos positivos de coronavirus, tres d'ellos rellacionaos colos biltos declaraos en Cangas y Llanes.

El focu detectáu n'El Chiringuito del Pela, en Courias, suma dos nuevos contaxos, llegando yá a 17 la cifra de positivos.dos nuevos casos nes postreres 24 hores, polo que'l númberu total de persones afectaes llega a 15. El biltu de Llanes, venceyáu a La Terraza de Laura y la escuela de surf Skull, de Llanes, algama los 25 infestaos.

Otros 5 positivos son contactos directos de casos conocíos, 3 más tienen vinculación con Madrid y la Comunidá Valenciana y otru ta relacionáu con un barcu atracáu nel puertu d'El Musel (Xixón).

Salú ta estudiando los casos que queden pa determinar el so venceyu epidemiolóxicu.

Toles persones infectaes, menos una que ta ingresada,  presenten síntomes leves y tán n'aislamientu nes sos cases.