El Texu de l’Alcordanza va presidir el memorial vivu a les víctimes de la COVID-19

Cinco texos plantaos na redolada del Hospital Universitariu Central d’Asturies (HUCA) van conformar el memorial vivu a les víctimes de la COVID-19 n’Asturies, que se va inaugurar con un actu solemne esti vienres. Ún d’ellos, de mayor tamañu que'l restu, lleva’l nome billingüe de 'Texu de l’Alcordanza' y 'Tejo de la Memoria'.

El texu, árbol sagráu pa los ástures, venceyáu a la vida, pero tamién a la muerte, al ser venenosu, simbolizando’l pasu al otru mundu, foi escoyíu pol Gobiernu pa conformar el memorial vivu a les víctimes de la COVID-19 n’Asturies, 339 persones hasta’l momentu. En total plantáronse cinco exemplares, rescamplando’l que va llevar el nome billingüe de ‘Texu de l’Alcordanza’ y ‘Tejo de la Memoria’.

La inauguración d’esti homenaxe va tar encabezáu por Adrián Barbón, que convidó al actu, “cenciellu y solemne”, a tolos ex dirixentes del país vivos y otres autoridaes. Tres una intervención breve del llavianés, guardaráse un minutu de silenciu y procederáse a la llectura d’un poema de la escritora Carmen Yáñez, vilda del autor chilenu Luis Sepúlveda, primer contaxáu de COVID-19 n’Asturies.

Pa finar, Barbón va posar un ramu de flores al pie del Texu de l’Alcordanza, y el gaiteru Pablo Carrera va interpretar l’himnu del país.