Asturies suma una xornada más ensin positivos de COVID-19

Salú comunicó dos curaciones más.

La datos de la COVID-19 n'Asturies dexaron la segunda xornada ensin positivos tres la comunicación d'un casu importáu de Catalunya confirmáu'l martes por PCR pero incorporáu na serie'l llunes. L'afeutáu, un uvieín que se desplazó nel so coche particular a Barcelona por motivos llaborales, nun tuvo contautos estrechos nel país, polo que, a falta de que pasen unos díes pa descartar incubaciones posibles, nun hebo en principio contaxos.

Catiénense les mesmes cifres del día anterior con respeuto a les persones hospitalizaes, 3 na UCI y 1 en planta, y nun se rexistró nenguna muerte, polo que la cantidá de persones que perdieron la vida cola enfermedá cuasada pol coronavirus SARS-CoV-2 queda un día más en 339. Mentes, diéronse 2 altes epidemiolóxiques que dexen el total en 2.063.