Salú informa que’l positivu de COVID-19 nun tuvo contautos estrechos dende que llegó a Asturies

De Barcelona a Asturies en coche tres pasar unos díes na capital catalana. El positivu de COVID-19, l’únicu nel país en trés selmanes, ta nel so domiciliu aislláu con síntomes leves, y nun tuvo contautos estrechos dende que regresó a Uviéu, según informó Salú.

El Llaboratoriu de Viroloxía del Hospital Universitariu Central d’Asturies (HUCA) anunció ayeri’l positivu d’un asturianu por PCR que presentaba síntomes de COVID-19. Dende esi momentu, el Serviciu de Vixilancia Epidemiolóxica comenzó a rastrar los sos contautos, que según comunicó la conseyería, nun foron estrechos n’Asturies.

L’afeutáu pola enfermedá cuasada pol coronavirus SARS-CoV-2 contaxóse previsiblemente en Catalunya. D’ehí viaxó nel so coche particular a Uviéu, onde foi atendíu tres presentar síntomes compatibles cola COVID-19.

Trátase del primer positivu comunicáu n’Asturies dende’l 15 de xunu. Dende’l Gobiernu, que cavila facer obligatoria l’usu de les mázcares como va proceder Catalunya, recuerden la necesidá de cumplir toles recomendaciones de seguranza: caltener la distancia de 1,5 metros, llevar siempre mázcaru cuando nun se pueda cumplir ésta y hixene de manes.

Na semeya, el conseyeru Pablo Ignacio Fernández Muñiz nuna intervención na Xunta Xeneral.