La serie de positivos rexistra 2 casos menos tres una revisión

Nun hebo contaxos nin muertes na xornada.

La Conseyería de Salú rebaxó a 2.436 el númberu de casos positivos tres la revisión dos casos correspondientes a trabayadores sanitarios que dieron positivu nun cribáu de PCR del Institutu de Mayores y Servicios Sociales (Imserso) analizáu nel Centro Nacional de Microbiología (CNM). Tres dar negativu con muestres nueves nel Llaboratoriu de Microbioloxía del HUCA, dende Asturies solicitóse al CNM que reanalizara les positives, con resultáu tamién negativu, polo que se retiren de la serie.

Los datos de la COVID-19 d'ayeri n'Asturies dexaron la cuarta xornada en xunu ensin contaxos nin muertes. El númberu de persones que perdieron la vida cola enfermedá cuasada pol coronavirus SARS-CoV-2 queda per segundu día en 332.

Tamién hai bones noticies no que respeura a ingresaos y curaciones. Na UCI hai un paciente menos (11) y en planta 4 (5), y 43 persones recibieron l'alta epidemiolóxica ayeri (1.983).