Los datos de la COVID-19 dexen cuatro contaxos tres dos díes ensin ellos

Na xornada hai que llamentar 2 muertes.

La evolución de la pandemia de COVID-19 n'Asturies nun dexó bonos datos el xueves. Tres dos xornaes ensin contaxos, ayeri rexistráronse 4 positivos tres el procesamientu de 896 muestres por PCR que dexen el total de casos en 2.435.

Amás, dos persones perdieron la vida cola enfermedá que xenera'l coronavirus SARS-CoV-2. Los finaos dende l'entamu del andanciu son yá 331.

Un paciente más na UCI

La UCI sumó un paciente, pa poner el total en 10, y en planta hai ingresaos 7, 4 menos que'l miércoles. Mentes, 9 persones recibieron l'alta epidemiolóxica, algamándose les 1.892 curaciones.