‘Déxame ser un neñu’, llibru con pictogrames pa neñes y neños d’Infantil

El primer llibru pa la reciella de l’autora asturiana residente en Cantabria, Monse Lasconi, yá tien versión n’asturianu. ‘Déxame ser un neñu’ ye una obra con pictogrames destinada pa neñes y neños d’Educación Infantil que "trata sobre los valores y sentimientos” de los más pequeños de la casa.

Lasconi ye una escritora de lliteratura infantil basada nel respetu y la integración, y ‘Déjame ser un niño’ foi la so primer creación. El so fíu participó ellaborando los dibuxos cuando tenía 6 años, que nesta segunda edición ameyoró él mesmu col ordenador.

Xosé Daniel Rodríguez Arias, primu de Lasconi, encargóse de la torna al asturianu d’un llibru que fala “de les coses que-yos gusta facer a los neños: blincar, correr nos charcos y que los abracen”, esplica l’autora. Amás d’en llingua asturiana y l’orixinal en castellanu, ‘Déxame ser un neñu’ ta disponible en gallegu, portugués y alemán, “que ye la versión que ta teniendo más ésitu”, y pronto tamién n’inglés.

El llibru viéndese al traviés d’Amazon a un preciu de 9,88 euros. “Sirve pa tolos neños, inclusive p’aquellos qu’entá nun saben lleer”, añade la uvieína.