El martes nun se rexistró fináu nengún nel país

Ún únicu contaxu na xornada tres el procesamientu de 1.397 muestres por PCR.

Depués de trés díes con una muerte diaria, Asturies nun rexistró ayeri fináu nengún por COVID-19. Asina, el total de persones que perdieron la vida pol andanciu asciende a 310.

No que respeuta a los positivos, hebo ún depués de que'l llunes nun hubiera nengún. Esti aumentu fai que'l númberu de contaxos xuba a 2.400.

Na UCI caltiénense 13 ingresaos, mentes qu'en planta la cifra baxa a 34. Hai hasta la fecha 1.543 persones con alta epidemiolóxica.