La Fototeca del Pueblu d'Asturies abre al mundu

Permite consultar unes 40.000 semeyes del archivu del muséu, cola intención de llegar hasta les 100.000 a lo llargo del añu.

Tres cuatro años de trabayu de dixitalización, la Fotototeca d'Asturies abrió al mundu gran parte de los sos fondos. Fíxolo estos díes concidiendo cola celebración del Día Internacional de los Museos, 18 de mayu.

Trátase d'una pequeña parte del amplísimu archivu esistente nel Muséu del Pueblu d'Asturies –unos 2 millones de semeyes–, pero dexa imáxenes, munches inédites, que son auténtiques ayalgues. Éstes daten del 1880 al 2000 y formen parte de mediu centenar de fondos, ente ellos los de Constantino Suárez, Modesto Montoto, Emilio Alonso García o de la empresa Gijón Fabril.

Na imaxe, mítin del Frente Popular en Xixón el 16 de febreru del 1937. Semeya de Constantino Suárez.