TPA va emitir ‘La banda sonora de la oficialidá’

L'espectáculu celebráu n'avientu n'Avilés foi un eventu qu'emocionó a tolos presentes.

Esti domingu a les 22.45 hores la TPA va emitir ‘La banda sonora de la oficialidá’, que sirvió pa la presentación del discu-llibru homónimu col que la Xunta pola Defensa de la Llingua Asturiana conmemoró los 30 años del Conciertu pola Oficialidá. Munchos de los artistes que tocaren nesta cita histórica del movimientu de reividinciación llingüística participaron interpretando temes propios xunto Banda 14 A, xuntada a costafecha pa la ocasión.

Anabel Santiago, Rodrigo Cuevas, Mariluz Cristóbal, Miguel Fernandi 'Burilo', Ramón Blanco, David Varela o Xune Elipe foron dalgunos de los convidaos nel espectáculu, que finó con tolos musicos enriba l'escenariu acompañando a Dani García de la Cuesta col 'Tamos fartos' col Teatru Palacio Valdés en pie. Una cita pa nun perdese.

Na semeya, momentu de la interpretación de 'La danza' por parte d'Elipe en compañía de Merce Santos a la gaita rabil y Xosé Antón Fernández 'Ambás' a la voz.