La Conseyería de Salú notifica l'ausencia de muertes nel país nes 24 hores últimes

Esti xueves rexistráronse 10 positivos nuevos por PCR con 1.839 muestres procesaes.

La Conseyería de Salú tornó a notificar l'ausencia de muertes n'Asturies por COVID-19 tres los 5 finaos del miércoles y los 3 del martes, dexando la cifra acumulada en 292. Ayeri foi la segunda xornada d'esta selmana na que nun hebo que llamentar perdes, la tercera dende'l 13 de marzu.

Los contaxos baxaron con respeuto al día anterior, cuando hebo 16. Los 10 d'ayeri ponen el total de casos deteutaos por PCR en 2.336.

No que respeuta a los positivos por tests d'anticuerpos, hebo 48 con 2.800 pruebes feches. Caltiénense la mesma cifra de pacientes na UCI, 30, mentes que baxa en 9 les persones que tán en planta (124) y el númberu de curaos aumenta en 12 (983).