Asturies ye, tres Murcia y Canarias, l'autonomía con menos incidencia acumulada de COVID-19

Castilla y Lleón, y Catalunya son les que presenten datos peores nos 14 díes últimos.

Asturies siguen siendo una de les autonomíes con menor incidencia de COVID-19, ameyorando les cifres inclusive de la Comunitat Valenciana (14,45) y Illes Baleares (10,61). Con una incidencia acumulada de 9,48 casos cada 100.000 habitantes, asítiase como la tercer comunidá con datos más baxos tres la Región de Murcia (2,74) y Canarias (5,67).

Con 88,14 ta Castilla y Lleón, mentes que Catalunya rexistra 82,06. La Rioja y la Comunidad de Madrid, que veníen teniendo les cifres más altes dende l'entamu del estáu d'alarma, agora presenten 77,34 y 58,26, de manera respeutiva.

No que respeuta a los otres dos territorios vecinos d'Asturies, Galicia cuenta con una incidencia acumuluda de 41,19 casos cada 100.000 habitantes nos 14 díes últimos y Cantabria 33,90.

16 positivos ayeri

No que respeuta a los datos últimos de la pandemia de COVID-19, actualizaos ayeri a les 20 hores, Asturies sumó 16 positivos nuevos por PCR tres el procesamientu de 2.103 muestres, cifres qu'aumenten los rexistros de los díes previos, pa poner el total de casos en 2.326; y 10 por tests d'anticuerpos con 1.189 pruebes feches.

5 persones perdieron la vida ayeri pola enfermedá causada pol coronavirus SARS-CoV-2, lo que dexa 292 finaos hasta'l momentu, mentes que se produxeron 18 curaciones (971). La UCI aumentó en 1 el númberu d'ingresaos (30) y en planta baxó en 8 persones (133).

Na semeya, toma de muestres esta mañana pa facer pruebes de COVID-19 a pescadores en Cuideiru que van salir el llunes a la costera del bonitu n'Azores.