Evolución del coronavirus n'España: el máximu d'ocupación de cames UCI daríase pal 7 d'abril

Siguimos cola actualización de datos en gráfiques basaes na suposición de que la evolución tien d'axustase a una campana de Gauss y afítase la tendencia, anque l'escenariu axustó la pica de casos nuevos al 30 de marzu y de finaos el 31 del mesmu mes.

Con esta actualización amestamos una estimación pal máximu d'ocupación de cames na UCI, salíendonos una gráfica onde daría'l máximu pal día 7 d'abril. La idea de too esto ye que anque baxe'l ritmu d'ingresos nos hospitales el ritmu de baxes tien un retrasu de dos selmanes y los que tan yá ingresaos han de siguir por unes dos selmanes aproximadamente.

Estes gráfiques van dir camudando día a día, acordies colos datos nuevos oficiales, y básense na suposición que la evolución tien d'axustase a una campana de Gauss.

Ésti ye un esperimentu estadísticu cenciellu anque, según los espertos, la so fiabilidá ye llimitada nesti casu.

• Estimación medra númberu de casos detectaos:

• Estimación medra númberu de finaos:

• Estimación ocupación de cames d'UCIs debío al coronavirus:

Estes gráfiques obtiénense axustando los datos de finaos y detectaos a una curva teórica (distribución normal o campana de Gauss) pol métodu de nome 'mínimos cuadraos'. El máximu d’esa curva teórica ye una bona aprosimación al picu de finaos y detectaos.

Pero si camuden los datos y apaecieren nuevos valores, el máximu podría desplazase, polo qu’esti gráficu hai que lu tomar cola debida precaución y dirá actualizándose tolos díes.

Nos próximos díes Asturies.com va dir amosando les gráfiques d'estimación de la evolución n'España de nuevos casos y finaos del coronavirus. Nun ye posible aplicar esta estimación p'Asturies por mor del volume de sos cifres.