Estimación de la evolución del coronavirus n'España

Según los cálculos axustaos a una curva teórica (distribución normal o campana de Gauss) pol métodu de nome 'mínimos cuadraos', España ya pasaría la pica de evolución del coronavirus.

Nos próximos díes Asturies.com va dir amosando les gráfiques d'estimación de la evolución n'España de nuevos casos y finaos del coronavirus. Nun ye posible aplicar esta estimación p'Asturies por mor del volume de sos cifres.

Estes gráfiques van dir camudando día a día, acordies colos datos nuevos oficiales, y básense na suposición que la evolución tien d'axustase a una campana de Gauss.

Ésti ye un esperimentu estadísticu cenciellu anque, según los espertos, la so fiabilidá ye llimitada nesti casu.

Per otru llau esta mesma estimación amuesa que n'España taríase entrando yá nel ciclu de descensu de númberos de casos diarios y del númberu diariu de finaos.

• Estimación medría númberu de casos detectaos:

• Estimación medría númberu de finaos:

Estes gráfiques obtiénense axustando los datos de finaos y detectaos a una curva teórica (distribución normal o campana de Gauss) pol métodu de nome 'mínimos cuadraos'. El máximu d’esa curva teórica ye una bona aprosimación al picu de finaos y detectaos.

Pero si camuden los datos y apaecieren nuevos valores, el máximu podría desplazase, polo qu’esti gráficu hai que lu tomar cola debida precaución y dirá actualizándose tolos díes.