El PSOE algama 8.174 votos de los emigrantes asturianos; el PP 2.929; IU-BA 347 y UNA 309

El PSOE ye'l ganador claru ente los residentes ausentes, siguíu a abonda distancia por PP, IU-BA y UNA. UPyD queda con 71 votos, per detrás de Los Verdes (114) y el PACMA (200).  El restu del votu tuvo espardíu ente formaciones como Andecha Astur (40), IZAN (18), I.I. (17) o'l PCPE (37).
 

Estes cifres tan a la espera de la correción d'errores detectaos nes actes de les elecciones al Parlamentu Européu. Sicasí'l PSOE aventayaría al PP n'Asturies en 7.010 votos al sumar en total 188.456 sufraxos, mientres que los populares quedaríen con 181.446. IU-BA quedaría con 24.340 y la formación españolista UPyD con 17.771 votos, sumando asina 1.155 votos n'Asturies y un total de 3.605 votos nestes elecciones. La sorpresa ye Unidá Nacionalista Asturiana, qu'asitia como cuarta fuerza nel votu emigrante, sumando asina 1.155 votos n'Asturies y un total de 3.605 votos nestes elecciones.  
 
Del total de 12.745 votos rexistráronse 62 nulos y 45 en blanco. Otres formaciones que tamién algamaron votos de los residentes ausentes foron Familia y Vida (60), Iniciativa Femnista (40), Coalicion por Europa (20), PSA (22), FE (10), EDp-V (38), CDL (14), UCL (2), PRC (5),AES (8), PUM-J (45), CDS (16), MSR (11), DN (18), POSI (25), PH (17) y SAin (3).
 
Unidá Nacionalista Asturiana valora positivamente esti datu
 
El candidatu d'UNA a les elecciones europees, Daniel Fernández, espresó que "los 309 votos suponen un porcentaxe del 2,5%, mui averáu al 2,7% algamáu pola tercera fuerza política, IU, que supera a UNA en poco más de 30 votos nesti colectivu" y valoró esti datu afirmando que "dientro de la modestia de los resultaos nunes elecciones tan difíciles pa nós, esti datu ye un indicador interesante qu'habrá qu'analizar a fondu yá que paez que cuando conseguimos tresmitir el nuesu mensaxe, como ye'l casu d'esti colectivu esmolecíu y informáu al que llegamos principalmente al traviés de la rede, somos quién a asitianos nel mapa de les formaciones polítiques que los electores consideren votables".