La torna de '1984' d'Orwell aporta a Mieres

La Llocura acueye l'actu de presentación.

La traducción al asturianu de la novela '1984' de George Orwell, fecha por Xesús González Rato pa estrenar la colleición 'Calume' d'Ediciones Trabe que dirixe Rafael Rodríguez Valdés, sigue percorriendo Asturies pa dase a conocer. Tres celebrar eventos n'Uviéu y Xixón, agora ye'l turnu de Mieres.

El llugar escoyíu ye la llibrería-café La Llocura, asitiada na cai Ayer, mañana a les 19.30 hores. Xunto a González Rato y Rodríguez Valdés va tar presente Esther Prieto, copropietaria de Trabe.

Na semeya, Rodríguez Valdés, González Rato y Prieto nun momentu de la presentación de '1984' na uviedina Llibrería Trabe.