L'ALLA presenta la obra 'Riegla de San Benitu'

L'actu va desendolcase'l miércoles nel salón d'actos del Real Monesteriu de San Pelayu.

'Riegla de San Benitu', la normativa que Benitu de Norcia, fundador de la orde de los benedictinos, escribió nel sieglu VI p'afitar la vida monástica, yá tien una versión nueva n'asturianu. Esta edición va presentase mañana, al meudía, nun actu nel que va tar presente Rosario del Camino Fernández-Miranda, Abadesa del Real Monesteriu de San Pelayu d'Uviéu, xunto con Xosé Antón González Riaño, presidente de l'Academia de la Llingua Asturiana (ALLA), y Pilar Fidalgo, secretaria téunica de la institución académica.