Martínez Oblanca entrega a Felipe VI el programa p'Asturies de la coalición PP-Foro

El congresista del partíu asturianu confirmó'l so esperáu 'non' a Pedro Sánchez y cargó contra "los lobbies del ecoloxismu radical" que "nos devuelven a la Cueva del Sidrón".

Isidro Martínez Oblanca abrió esta mañana les consultes del rei d'España, Felipe VI, colos representante de los partíos con presencia nel Congresu, a esceición d'EH Bildu, ERC y CUP, que se negaron a acudir. L'únicu diputáu de Foro tresmitió-y al Xefe d'Estáu que Foro "apoyará como presidente a quien represente'l programa modernizador pa España que recupere la sienda del emplegu y garantice la igualdá ente españoles y comunidaes autónomas, y non a Pedro Sánchez”.

Tamién espresó-y los sos “esmolecimientos sobre les consecuencies de los acuerdos tribales y insolidarios que se negocien con independentistes a los que sólo-yos importa la rotura d'España y la conquista de privilexos nuevos pa Cataluña y País Vasco, a costa del restu”. Amás, entregó-y una copia del 'Programa Específico para Asturias de la Coalición PP-FORO' "nel que se reflexen las grandes prioridaes pa los asturianos y les propuestes que consideramos imprescindibles pa solucionar los sos problemes más urxentes".

Cume del Clima

Na rueda de prensa posterior al alcuentru nel Palacio de La Zarzuela, Martínez Oblanca aseguro que, “énte la Cume del Clima, Asturies ye l'escaparate de los lobbies del ecoloxismu radical qu'escaecen el paru y la probeza, y nos devuelven a les cueves del Sidrón o d'Altamira, en llugar d'ufrir soluciones intelixentes pa crear más riqueza y más emplegu na llucha contra'l calentamientu global". "Miles de trabayadores de la industria española tán sumíos na incertidume poles polítiques fundamentalistes que se desentienden de les tristes consecuencies económiques y sociales pa importantes sectores y grandes zones de población", añadió.