La igua de la pista del aeropuertu va obligar a trancalu per 14 díes en siete periodos de 48 hores

Les dos primeres xornaes ensin vuelos tendrán llugar el 17 y 18 de payares del 2020.

L'Aeropuertu d'Asturies va ver anovada la so pista totalmente, trabayos que van requerir una inversión de 20 millones d'euros. Les obres principales, esto ye, les rellacionaos cola rexeneración de pavimentos, l'adecuación del drenaxe y l'ameyoramientu del balizamientu, han de facese con ésta fuera de serviciu de forma continuada, polo que se planifiquen siete parones de 48 hores en feches de menos tráficu y, a priori, un clima que favorez l'estendíu y enfriamientu del aglomeráu.

Los 14 díes nos que la instalación va tar trancada dafechu son el 17, 18, 24 y 25 de payares, el 6, 7, 13, 14, 20, 21, 27 y 28 d'abril del 2021 y el 4 y 5 de mayu del 2021. Dende Aena confirmen que'l paru d'actividá nestes xornaes coordinóse coles compañíes aérees que vuelen n'Asturies con un añu d'antelación pa provocar los menores perxuicios posibles.

Na imaxe, plataforma d'estacionamientu y, al fondu, pista del Aeropuertu d'Asturies. Semeya obra de Savh baxo llicencia CC BY-SA 4.0.